Польꙃєватєл҄ь:Глаго́лица/ⰍⰫⰓⰋⰎⰎⰟ Ⰹ ⰏⰅⰪⰑⰄⰋⰉ

ⰍⰫⰓⰋⰎⰎⰟ · ⰉⰆⰅ ⰂⰟ ⰏⰉⰓⰖ ⰍⰙⰐⰔⰕⰀⰐⰕⰋⰐⰟ ⰁⰡ · ⰈⰟⰂⰀⰐⰟⰊⰉ ⰗⰋⰎⰑⰔⰑⰗⰟ · ⰓⰑⰆⰄⰅⰐⰟ ⰥⰔⰕⰟ 827 Ⰹ ⰖⰏⰓⰅ ⰓⰉⰏⰡ 869 ⰎⰡⰕⰀ · Ⰹ ⰏⰅⰪⰑⰄⰋⰉ · ⰉⰆⰅ ⰂⰟ ⰏⰉⰓⰖ ⰏⰉⰘⰀⰉⰎⰟ ⰁⰡ · ⰓⰑⰆⰄⰅⰐⰟ ⰥⰔⰕⰟ 815 Ⰹ ⰖⰏⰓⰅ ⰏⰑⰓⰀⰂⰋⰉ 885 ⰎⰡⰕⰀ · ⰁⰓⰀⰕⰓⰀ ⰉⰈ ⰪⰅⰔⰔⰀⰎⰑⰐⰋⰍⰟⰊ ⰓⰅⰍⰑⰏⰟⰊⰧ ⰔⰑⰎⰖⰐⰉⰩ ⰁⰡ · ⰉⰆⰅ ⰔⰟⰕⰂⰑⰓⰉⰎⰀ ⰍⰟⰐⰉⰆⰠⰐⰟ ⰔⰎⰑⰂⰡⰐⰠⰔⰍⰟ ⰧⰈⰟⰊⰍⰟ Ⰹ ⰀⰈⰟⰁⰖⰍⰟⰊ ⰥⰃⰑⰆⰅ ⰄⰡⰎⰭ Ⰹ ⰒⰓⰡⰎⰑⰆⰉⰎⰀ ⰔⰎⰑⰂⰡⰐⰑⰏⰟ ⰘⰓⰋⰔⰕⰋⰀⰐⰠⰔⰍⰟⰊⰧ ⰜⰓⰠⰍⰟⰂⰠⰐⰟⰊⰧ ⰍⰟⰐⰉⰃⰟⰊ ⰁⰡⰀⰞⰅⰕⰅ

ⰁⰓⰀⰕⰓⰀ ⰭⰍⰑ ⰔⰂⰤⰕⰀ ⰈⰀⰒⰀⰄⰠⰐⰡ Ⰹ ⰂⰟⰔⰕⰑⰝⰠⰐⰡ ⰘⰓⰋⰔⰕⰋⰀⰐⰠⰔⰕⰂⰖ ⰔⰤ ⰀⰂⰎⰭⰩⰕⰟ ⁙ ⰜⰓⰠⰍⰟⰂⰉ ⰔⰎⰑⰂⰡⰐⰠⰔⰍⰟ ⰔⰕⰓⰀⰐⰟ ⰉⰘⰟ ⰆⰅ ⁖ ⰖⰝⰉⰕⰅⰎⰭⰏⰀ ⰔⰎⰑⰂⰡⰐⰟ ⁖ ⰓⰡⰍⰨⰕⰟ ⁙ ⰖⰝⰅⰐⰟⰊⰧ ⰎⰣⰄⰉⰥ ⰑⰁⰟⰊⰝⰀⰥⰏⰠ ⰐⰀⰒⰓⰠⰂⰀ ⰍⰫⰓⰉⰎⰎⰀ ⰉⰏⰤ · Ⰰ ⰏⰅⰗⰑⰄⰋⰭ ⰆⰅ ⰉⰏⰤ ⰐⰀⰂⰟⰕⰑⰓⰀ ⰍⰟⰐⰉⰇⰡⰘⰟ ⰒⰉⰞⰨⰕⰟ · ⰐⰟ ⰜⰓⰠⰍⰟⰂⰠⰐⰟⰊⰧ ⰎⰣⰄⰉⰥ ⰑⰁⰓⰀⰕⰟⰐⰑ ⰍⰟⰐⰉⰇⰡⰘⰟ ⰒⰉⰞⰨⰕⰟ Ⰹ ⰁⰑⰃⰖⰔⰎⰖⰆⰅⰐⰉⰉ ⰒⰑⰏⰉⰐⰀⰩⰕⰟ · ⰁⰑ ⰏⰅⰪⰑⰄⰋⰭ ⰜⰓⰠⰍⰟⰂⰠⰐⰟ ⰔⰀⰐⰟ ⰂⰟⰊⰞⰡ ⰁⰡ

ⰂⰋⰑⰃⰓⰀⰗⰋⰭ

ⰍⰙⰐⰔⰕⰀⰐⰕⰋⰐⰀ Ⰹ ⰏⰉⰘⰀⰉⰎⰀ ⰑⰕⰠⰜⰠ ⰎⰠⰂⰟ ⰁⰡ · ⰉⰆⰅ ⰄⰓⰖⰐⰃⰀⰓⰋⰥⰏⰠ ⰒⰓⰉ ⰔⰕⰓⰀⰕⰉⰇⰡ ⰪⰅⰏⰟⰊ ⰪⰅⰔⰔⰀⰎⰑⰐⰋⰍⰟⰊ ⰔⰤ ⰀⰂⰎⰭⰀⰞⰅ ⁙ ⰔⰅⰏⰋⰉ ⰔⰅⰏⰠ ⰔⰟⰊⰐⰟ ⰁⰡ Ⰹ ⰉⰈ ⰉⰘⰟⰆⰅ ⰏⰉⰘⰀⰉⰎⰟ ⰁⰡ ⰒⰓⰠⰂⰟⰊⰉ · Ⰰ ⰍⰙⰐⰔⰕⰀⰐⰕⰋⰐⰟ ⰐⰀⰉⰏⰎⰀⰄⰠⰞⰉⰉ ⁙ ⰅⰪⰐⰋⰝⰠⰐⰑ ⰉⰔⰟⰘⰑⰆⰄⰅⰐⰉⰥ ⰉⰔⰕⰑ ⰐⰅⰂⰡⰄⰑⰏⰑ ⰥⰔⰕⰟ Ⰹ ⰐⰡⰜⰉⰉ ⰖⰝⰅⰐⰟⰊ ⰎⰣⰄⰉⰥ ⰏⰟⰐⰤⰕⰟ ⰁⰑ ⰁⰓⰀⰕⰓⰀ ⰃⰓⰠⰜⰀ ⰁⰡⰀⰞⰅⰕⰅ^[1] · ⰉⰐⰟⰊ ⰆⰅ ⰉⰈ ⰔⰎⰑⰂⰡⰐⰠⰔⰍⰟ ⰔⰕⰓⰀⰐⰟ ⰏⰟⰐⰤⰕⰟ ⰁⰑ ⰔⰎⰑⰂⰡⰐⰀ ⰁⰡⰀⰞⰅⰕⰅ^[2] ⁙ ⰪⰅⰔⰔⰀⰎⰑⰐⰋⰍⰀ ⰄⰟⰂⰖⰧⰈⰟⰊⰝⰠⰐⰟ ⰃⰓⰀⰄⰟ ⰁⰡ Ⰹ ⰕⰑⰃⰑ ⰄⰡⰎ҄ⰠⰏⰀ ⰎⰣⰄⰉⰥ ⰄⰟⰂⰖⰧⰈⰟⰊⰝⰠⰐⰟⰊ ⰁⰡ ⰔⰎⰑⰂⰡⰐⰅ ⰎⰉ ⰃⰓⰠⰜⰉ ⰎⰉ

ⰍⰙⰐⰔⰕⰀⰐⰕⰋⰐⰟ ⰍⰙⰐⰔⰕⰀⰐⰕⰋⰐⰑⰒⰑⰎⰡ ⰗⰋⰎⰑⰔⰑⰗⰋⰧ · ⰄⰋⰀⰎⰅⰍⰕⰋⰜⰡ · ⰃⰅⰙⰏⰅⰕⰓⰋⰧ · ⰀⰓⰋⰪⰏⰉⰕⰋⰜⰡ · ⰓⰉⰕⰙⰓⰋⰜⰡ Ⰹ ⰀⰔⰕⰓⰑⰐⰑⰏⰋⰧ ⰖⰝⰅⰐⰟ ⰁⰡ Ⰹ ⰘⰀⰓⰕⰑⰗⰫⰎⰀⰍⱄⰟ ⰔⰂⰤⰕⰟⰊⰧ ⰔⰑⰗⰋⰧ ⰔⰟⰁⰑⰓⰠⰐⰟⰊ ⰜⰓⰠⰍⰟⰂⰉ ⰔⰕⰀⰎⰟ ⰁⰡ ⁙ ⰐⰟ ⰉⰈ ⰍⰙⰐⰔⰕⰀⰐⰕⰋⰐⰑⰒⰑⰎⰭ ⰝⰓⰠⰐⰑⰏⰑⰓⰠⰔⰍⰖ ⰑⰁⰉⰕⰡⰎⰠ ⰒⰓⰡⰉⰄⰅ Ⰹ ⰕⰀⰏⰟ ⰆⰅ ⰖⰥⰄⰉⰐⰥⰐⰉⰉ ⰁⰡ · ⰐⰟ ⰒⰑⰔⰎⰡⰄⰉ ⰆⰅ ⰂⰟ ⰜⰡⰔⰀⰓ҄Ⱐ ⰃⰓⰀⰄⰟ ⰂⰟⰈⰟⰂⰓⰀⰛⰅⰐⰟ ⰁⰡ Ⰹ ⰕⰀⰏⰟ ⰆⰅ ⰏⰀⰃⰐⰀⰫⰓⰠⰔⰜⰡ ⰂⰟⰊⰔⰠⰞⰡⰉ ⰔⰘⰑⰎⰡ ⰖⰝⰉⰕⰅⰎⰠⰏⰠ ⰔⰕⰀⰎ ⰁⰡ

ⰏⰉⰘⰀⰉⰎⰟ ⰆⰅ ⰄⰑ ⰏⰑⰐⰀⰞⰠⰔⰍⰀ ⰔⰀⰐⰀ ⰒⰓⰉⰧⰕⰉⰭ ⰂⰑⰥⰐⰠⰐⰟⰊⰉⰘⰟ ⰂⰎⰀⰔⰕⰉⰭⰘⰟ ⰒⰑⰄⰟⰂⰉⰇⰀⰎⰟ ⰔⰤ Ⰹ ⰔⰕⰓⰀⰕⰉⰃⰑⰏⰠ ⰔⰎⰀⰂⰉⰐⰋⰉ ⰁⰡ · ⰉⰆⰅ ⰏⰀⰍⰅⰄⰑⰐⰋⰧ ⰈⰅⰏⰎⰡ ⰁⰡ

860 ⰎⰡⰕⰀ ⰍⰙⰐⰔⰕⰀⰐⰕⰋⰐⰟ ⰍⰟ ⰘⰀⰈⰀⰓⰋⰉⰔⰍⰖ ⰍⰀⰃⰀⰐⰖ ⰔⰟ ⰒⰓⰑⰒⰑⰂⰡⰄⰉⰩ ⰒⰓⰡⰉⰄⰅ ⁙ ⰕⰑⰃⰑ ⰄⰡⰎ҄ⰠⰏⰀ ⰅⰂⰓⰅⰉⰔⰍⰟ ⰧⰈⰟⰊⰍⰟ Ⰹ ⰒⰉⰔⰠⰏⰅⰐⰀ ⰔⰀⰏⰀⰓⰉⰕⰭⰐⰠⰔⰍⰟⰊ Ⰹ ⰔⰫⰓⰋⰉⰔⰍⰟⰊ ⰖⰝⰉⰎⰟ ⰁⰡ ⁙ ⰘⰅⰓⰔⰙⰐⰡ ⰕⰀⰫⰓⰋⰉⰔⰍⰑⰏⰠ ⰒⰓⰡⰄⰟ ⰍⰀⰃⰀⰐⰑⰏⰠ ⰘⰓⰋⰔⰕⰋⰀⰐⰉⰐⰟ ⰍⰙⰐⰔⰕⰀⰐⰕⰋⰐⰟ · ⰏⰖⰔⰎⰉⰏⰠⰔⰍⰟ ⰉⰏⰀⰏⰟ Ⰹ ⰅⰂⰓⰅⰉⰔⰍⰟ ⰓⰀⰂⰉⰐⰟ ⰔⰒⰑⰓⰟ ⰉⰏⰀⰀⰞⰅ Ⰹ ⰥⰃⰑⰆⰅ ⰔⰎⰡⰄⰠⰔⰕⰂⰉⰥⰏⰠ ⰘⰀⰈⰀⰓⰋⰭ ⰉⰣⰄⰅⰉⰔⰍⰀ ⰔⰕⰀⰎⰀ ⰁⰡ ⁙ 861 ⰎⰡⰕⰀ ⰘⰅⰓⰔⰙⰐⰡ ⰁⰓⰀⰕⰓⰀ ⰍⰎⰉⰏⰅⰐⰕⰀ ⰒⰀⰒⰟⰊ ⰓⰉⰏⰠⰔⰍⰀⰥⰃⰑ ⰏⰑⰛⰉ ⰒⰑⰧⰀⰞⰅⰕⰅ Ⰹ 862 ⰎⰡⰕⰀ ⰜⰡⰔⰀⰓ҄Ⱐ ⰃⰓⰀⰄⰟ ⰂⰟⰈⰟⰂⰓⰀⰕⰉⰎⰀ ⰔⰤ

862 ⰎⰡⰕⰀ ⰂⰟ ⰜⰡⰔⰀⰓ҄Ⱐ ⰃⰓⰀⰄⰟ ⰒⰑⰔⰟⰎⰟⰊ ⰑⰕⰟ ⰏⰑⰓⰀⰂⰠⰔⰍⰀ ⰍⰟⰐⰤⰇⰭ ⰓⰀⰔⰕⰉⰔⰎⰀⰂⰀ ⰒⰓⰡⰉⰄⰅ Ⰹ ⰒⰓⰑⰔⰉⰞⰅ ⰒⰀⰕⰓⰋⰀⰓⰘⰀ Ⰹ ⰜⰡⰔⰀⰓⰭ ⰄⰀⰕⰉ ⰏⰑⰓⰀⰂⰋⰧ ⰘⰓⰋⰔⰕⰋⰀⰐⰠⰔⰍⰟⰊⰉⰘⰟ ⰖⰝⰉⰕⰅⰎⰟ ⁙ ⰕⰑⰃⰑ ⰄⰡⰎ҄ⰠⰏⰀ ⰁⰓⰀⰕⰓⰀ ⰍⰙⰐⰔⰕⰀⰐⰕⰋⰐⰟ Ⰹ ⰏⰅⰪⰑⰄⰋⰉ ⰉⰈⰁⰓⰀⰐⰟⰊ ⰁⰡ

863 ⰎⰡⰕⰀ ⰔⰎⰑⰂⰡⰐⰠⰔⰍⰀ ⰀⰈⰟⰁⰖⰍⰟⰊ ⰔⰕⰂⰑⰓⰥⰐⰀ ⰁⰡ Ⰹ ⰁⰎⰀⰃⰑⰂⰡⰔⰕⰂⰑⰂⰀⰐⰉⰥ · ⰒⱄⰀⰎⰕⰉⰓⰠ Ⰹ ⰀⰒⰑⰔⰕⰑⰎⰟ ⰑⰕⰟ ⰃⰓⰠⰝⰠⰔⰍⰀ ⰐⰀ ⰔⰎⰑⰂⰡⰐⰠⰔⰍⰟ ⰧⰈⰟⰊⰍⰟ ⰒⰓⰡⰎⰑⰆⰅⰐⰟⰊ ⰁⰡ ⁙ ⰕⰀⰍⰑ ⰝⰓⰠⰐⰑⰓⰉⰈⰠⰜⰠ ⰘⰓⰀⰁⰓⰟ ⰒⰠⰔⰀ ⰂⰟ ⰍⰟⰐⰉⰇⰡ ⁖ Ⱁ ⰒⰉⰔⰠⰏⰅⰐⰠⰘⰟ ⁖

ⰀⰈⰟⰁⰖⰍⰟⰊ ⰉⰏⰅⰐⰠⰏⰠ ⰍⰫⰓⰋⰎⰎⰀ ⰈⰟⰂⰀⰐⰀ ⰁⰡ ⰍⰫⰓⰋⰎⰎⰑⰂⰉⰜⰅⰩ · ⰉⰆⰅ ⰐⰟⰊⰐⰡⰛⰠⰐ҄Ⰹ ⰧⰈⰟⰊⰍⰟⰊ ⁖ ⰃⰎⰀⰃⰑⰎⰉⰜⰀ ⁖ ⰥⰔⰕⰟ^[3] ⁙ ⰐⰟⰊⰐⰡⰛⰠⰐ҄Ⰹ ⰧⰈⰟⰊⰍⰟⰊ ⰆⰅ ⰍⰫⰓⰋⰎⰎⰑⰂⰉⰜⰅⰩ ⰂⰟⰕⰑⰓⰀ ⰔⰎⰑⰂⰡⰐⰠⰔⰍⰀ ⰀⰈⰟⰁⰖⰍⰟⰊ ⰈⰟⰂⰀⰐⰀ ⰥⰔⰕⰟ

ⰏⰑⰓⰀⰂⰋⰉ ⰁⰓⰀⰕⰓⰀ ⰕⰓⰉ ⰎⰡⰕⰀ ⰁⰡ Ⰹ ⰖⰝⰉⰎⰀ ⰔⰎⰑⰂⰡⰐⰟ ⰕⰀⰍⰑⰆⰄⰅ ⰉⰈ ⰍⰀⰓⰒⰀⰕⰠⰔⰍⰟⰊ ⰓⰖⰔⰉ Ⰹ ⰁⰎⰟⰃⰀⰓⰋⰧ · Ⰹ 864 ⰎⰡⰕⰀ ⰁⰎⰟⰃⰀⰓⰋⰭ ⰍⰓⰠⰛⰅⰐⰀ ⰁⰡ

867 ⰎⰡⰕⰀ ⰁⰓⰀⰕⰓⰀ ⰓⰉⰏⰟ ⰒⰓⰡⰉⰄⰑⰞⰅⰕⰅ · ⰁⰑ ⰈⰀⰒⰀⰄⰠⰐⰟ ⰁⰑⰃⰑⰔⰎⰑⰂⰟ ⰝⰤⰔⰕⰟ ⰏⰟⰐⰉⰎⰀ ⰕⰟⰍⰟⰏⰑ ⰎⰀⰕⰉⰐⰠⰔⰍⰟ · ⰃⰓⰠⰝⰠⰔⰍⰟ Ⰹ ⰅⰂⰓⰅⰉⰔⰍⰟ ⰧⰈⰟⰊⰜⰉ ⰁⰑⰃⰖⰔⰎⰖⰆⰅⰐⰉⰭ ⰄⰡⰎ҄ⰠⰏⰀ ⰉⰔⰕⰟⰊ ⰔⰨⰕⰟ Ⰹ ⰒⰑⰔⰥⰏⰖ ⰔⰎⰑⰂⰡⰐⰠⰔⰍⰑ ⰁⰑⰃⰖⰔⰎⰖⰆⰅⰐⰉⰥ ⰅⰓⰅⰔⰠ ⰥⰔⰕⰟ ⁙ ⰂⰟ ⰒⰨⰕⰉ ⰂⰟ ⰓⰉⰏⰟ ⰁⰓⰀⰕⰓⰀ ⰒⰓⰡⰉⰄⰑⰞⰅⰕⰅ ⰂⰟ ⰒⰀⰐⰐⰑⰐⰋⰉⰔⰍⰑ ⰁⰎⰀⰕⰠⰐⰠⰔⰍⰑ ⰍⰟⰐⰤⰆⰠⰔⰕⰂⰑ · ⰉⰄⰅ ⰆⰅ ⰒⰑ ⰍⰟⰐⰤⰇⰭ ⰍⰑⰜⰅⰎⰭ ⰒⰓⰑⰞⰅⰐⰉⰣ ⰏⰡⰔⰕⰠⰐⰟ ⰔⰎⰑⰂⰡⰐⰟ ⰍⰟⰐⰉⰆⰠⰐⰖ ⰄⰡⰎⰖ ⰖⰝⰉⰎⰀ

ⰓⰉⰏⰡ ⰍⰙⰐⰔⰕⰀⰐⰕⰋⰐⰀ Ⰹ ⰏⰅⰪⰑⰄⰋⰭ ⰒⰀⰒⰅⰆⰠ ⰀⰄⰓⰋⰀⰐⰟ Ⰲ҃ ⰒⰓⰉⰧⰀⰞⰅ Ⰹ ⰃⰎⰀⰃⰑⰎⰉⰝⰠⰐⰟ ⰁⰑⰃⰖⰔⰎⰖⰆⰅⰁⰠⰐⰟ ⰑⰁⰟⰓⰤⰄⰟ ⰔⰎⰑⰂⰡⰐⰠⰔⰍⰑⰏⰠ ⰧⰈⰟⰊⰍⰑⰏⰟ ⰕⰂⰑⰓⰉⰏⰟⰊⰉ ⰖⰔⰕⰀⰂⰉⰎⰟ Ⰹ ⰒⰓⰡⰎⰑⰆⰅⰐⰟⰊⰧ ⰔⰎⰑⰂⰡⰐⰠⰔⰍⰟⰊ ⰍⰟⰐⰉⰇⰉ ⰓⰉⰏⰠⰔⰍⰟⰊ ⰜⰓⰠⰍⰟⰂⰉ ⰒⰑⰎⰑⰆⰉⰎⰟ ⁙ 869 ⰎⰡⰕⰀ ⰍⰙⰐⰔⰕⰀⰐⰕⰋⰐⰟ ⰓⰉⰏⰡ ⰈⰀⰁⰑⰎⰥⰎⰟ Ⰹ ⰒⰑ ⰒⰓⰉⰧⰕⰉⰉ ⰔⰘⰉⰏⰟⰊ ⰭⰍⰑ ⰍⰫⰓⰉⰎⰎⰟ ⰗⰅⰂⰓⰖⰀⰓⰋⰭ 14 ⰄⰠⰐⰭ ⰖⰏⰠⰓⰅ ⁙ ⰥⰃⰑⰆⰅ ⰃⰓⰑⰁⰟ ⰜⰓⰠⰍⰟⰂⰅ Ⱄ҃Ⰲ ⰍⰎⰉⰏⰅⰐⰕⰀ ⰒⰑⰎⰑⰆⰅⰐⰟ ⰁⰡ

ⰖⰝⰅⰐⰉⰜⰉ

thumb|250px|ⰍⰫⰓⰋⰎⰎⰟ Ⰹ ⰏⰅⰪⰑⰄⰋⰉ ⰔⰟ ⰖⰝⰅⰐⰉⰍⰟⰊ ⰗⰓⰅⰔⰜⰡ ⰑⰁⰉⰕⰅⰎⰉ ⰔⰂⰤⰕⰀⰃⰑ ⰐⰀⰖⰏⰀ · ⰉⰆⰅ ⰐⰟⰊⰐⰡ ⰏⰀⰍⰅⰄⰑⰐⰋⰉ ⰄⰉⰏⰑⰍⰓⰀⰕⰋⰉ ⰥⰔⰕⰟ

ⰍⰎⰀⰄⰤⰇⰉ

↑ Columbia Encyclopedia, Sixth Edition. 2001-05, s.v. «Cyril and Methodius, Saints»; Encyclopedia Britannica, Encyclopedia Britannica Incorporated, Warren E. Preece — 1972, p.846
↑ ⰍⰉⰓⰉⰎⰎ Ⰹ ⰏⰅⰗⰑⰄⰉⰊ // ⰅⰐⰜⰉⰍⰎⰑⰒⰅⰄⰉⰝⰅⰔⰍⰉⰊ ⰔⰎⰑⰂⰀⰓⰠ ⰁⰓⰑⰍⰃⰀⰖⰈⰀ Ⰹ ⰅⰗⰓⰑⰐⰀ : Ⰲ 86 Ⱅ. (82 Ⱅ. Ⰹ 4 ⰄⰑⰒ.). — ⰔⰒⰁ., 1890—1907.
↑ ⰘⰓⰉⰔⰕⰉⰀⰐⰔⰍⰉⰅ ⰄⰓⰅⰂⰐⰑⰔⰕⰉ Ⰹ ⰀⰓⰘⰅⰑⰎⰑⰃⰉⰤ. ⰔⰒⰁ., 1865. Ⱅ. 2, ⰍⰐⰉⰃⰀ 9. Ⱄ. 127.
↑ ⰒⰓⰑⰔⰕⰓⰀⰐⰠⰐⰑ ⰆⰉⰕⰉⰥ ⰔⰂⰤⰕⰀⰥⰃⰑ ⰏⰅⰪⰑⰄⰋⰭ · ⰒⰑⰧⰕⰑ 1843 ⰎⰡⰕⰀ ⰥⰔⰕⰟ
↑ ⰖⰐⰄⰑⰎⰠⰔⰍⰉⰊ Ⰲ. Ⰿ., ⰍⰎⰉⰏⰅⰐⰕ, ⰅⰒⰉⰔⰍⰑⰒ ⰔⰎⰑⰂⰅⰐⰔⰍⰉⰊ, «ⰝⰕⰅⰐⰉⰤ Ⰲ ⰑⰁⰛⰅⰔⰕⰂⰅ ⰉⰔⰕⰑⰓⰉⰉ Ⰹ ⰄⰓⰅⰂⰐⰑⰔⰕⰅⰊ ⰓⰑⰔⰔⰉⰊⰔⰍⰉⰘ ⰒⰓⰉ ⰏⰑⰔⰍⰑⰂⰔⰍⰑⰏ ⰖⰐⰉⰂⰅⰓⰔⰉⰕⰅⰕⰅ», 1895, Ⱅ. 172, ⰍⰐ. 1
↑ ⰕⰖⰐⰉⰜⰍⰉⰊ Ⱀ. Ⰾ., ⰔⰂ. ⰍⰎⰉⰏⰅⰐⰕ, ⰅⰒⰉⰔⰍⰑⰒ ⰔⰎⰑⰂⰅⰐⰔⰍⰉⰊ, ⰔⰅⰓⰃⰉⰅⰂ ⰒⰑⰔⰀⰄ, 1913
↑ ^7,0 ^7,1 ^7,2 ⰒⰓⰑⰔⰕⰓⰀⰐⰠⰐⰑ ⰆⰉⰕⰉⰥ ⰔⰂⰤⰕⰀⰥⰃⰑ ⰍⰎⰉⰏⰅⰐⰕⰀ ⰑⰘⰓⰋⰄⰠⰔⰍⰀⰥⰃⰑ · ⰉⰆⰅ ⰀⰓⰘⰋⰅⰒⰋⰔⰍⰑⰒⰟ ⰪⰅⰑⰗⰋⰎⰀⰍⰕⰟ ⰑⰘⰓⰋⰄⰠⰔⰍⰟⰊⰉ ⰐⰀⰒⰠⰔⰀ
↑ ^8,0 ^8,1 ^8,2 «ⰃⰓⰅⰝⰅⰔⰍⰉⰅ ⰆⰉⰕⰉⰤ ⰍⰎⰉⰏⰅⰐⰕⰀ ⰑⰘⰓⰉⰄⰔⰍⰑⰃⰑ» ⰉⰈⰄ. ⰁⰀⰐ (ⰁⰑⰎⰃⰀⰓⰔⰍⰀⰤ ⰀⰍⰀⰄⰅⰏⰉⰤ ⰐⰀⰖⰍ) — ⰔⰑⰗⰉⰤ, 1966
↑ ⰆⰉⰕⰉⰥ ⰔⰂⰤⰕⰀⰥⰃⰑ ⰐⰀⰖⰏⰀ Ⱚ҃ ⰂⰡⰍⰀ

ⰍⰟⰐⰉⰃⰟⰊ

ⰁⰅⰓⰐⰞⰕⰅⰊⰐ Ⱄ. Ⰱ. ⰍⰑⰐⰔⰕⰀⰐⰕⰉⰐ-ⰗⰉⰎⰑⰔⰑⰗ Ⰹ ⰏⰅⰗⰑⰄⰉⰊ. ⰐⰀⰝⰀⰎⰠⰐⰉⰅ ⰃⰎⰀⰂⰉ ⰉⰈ ⰉⰔⰕⰑⰓⰉⰉ ⰔⰎⰀⰂⰤⰐⰔⰍⰑⰊ ⰒⰉⰔⰠⰏⰅⰐⰐⰑⰔⰕⰉ. Ⰿ., 1984
ⰃⰉⰎⰠⰗⰅⰓⰄⰉⰐⰃⰟ Ⰰ. Ⱇ. Ⱁ ⰍⰉⰓⰉⰎⰎⰡ Ⰹ ⰏⰅⰪⰑⰄⰋⰉ (1862) // ⰔⰑⰁⰓⰀⰐⰋⰅ ⰔⰑⰝⰉⰐⰅⰐⰋⰊ Ⰰ. ⰃⰉⰎⰠⰗⰅⰓⰄⰉⰐⰃⰀ. — ⰔⰒⰁ.: ⰒⰅⰝⰀⰕⰐⰤ Ⰲ. ⰃⰑⰎⰑⰂⰉⰐⰀ, 1868. — Ⱅ. 1. — Ⱄ. 299-340.
ⰗⰉⰎⰉⰒⰒⰑⰂⰟ Ⱅ. Ⰹ. «ⰍⰓⰀⰕⰍⰑⰅ ⰔⰍⰀⰈⰀⰐⰋⰅ Ⱁ ⰆⰉⰕⰋⰉ Ⰹ ⰒⰑⰄⰂⰉⰃⰀⰘⰟ ⰔⰂⰤⰕⰉⰘⰟ ⰍⰉⰓⰉⰎⰎⰀ Ⰹ ⰏⰅⰪⰑⰄⰋⰤ, ⰒⰓⰑⰔⰂⰡⰕⰉⰕⰅⰎⰅⰊ ⰔⰎⰀⰂⰤⰐⰔⰍⰉⰘⰟ», ⰔⰀⰐⰍⰕ-ⰒⰅⰕⰅⰓⰁⰖⰓⰃⰟ, 1885

Category:Людиѥ Category:Хрїстїаньскꙑ свѧтꙑ людиѥ

[1] Columbia Encyclopedia, Sixth Edition. 2001-05, s.v. «Cyril and Methodius, Saints»; Encyclopedia Britannica, Encyclopedia Britannica Incorporated, Warren E. Preece — 1972, p.846

[2] ⰍⰉⰓⰉⰎⰎ Ⰹ ⰏⰅⰗⰑⰄⰉⰊ // ⰅⰐⰜⰉⰍⰎⰑⰒⰅⰄⰉⰝⰅⰔⰍⰉⰊ ⰔⰎⰑⰂⰀⰓⰠ ⰁⰓⰑⰍⰃⰀⰖⰈⰀ Ⰹ ⰅⰗⰓⰑⰐⰀ : Ⰲ 86 Ⱅ. (82 Ⱅ. Ⰹ 4 ⰄⰑⰒ.). — ⰔⰒⰁ., 1890—1907.

[3] ⰘⰓⰉⰔⰕⰉⰀⰐⰔⰍⰉⰅ ⰄⰓⰅⰂⰐⰑⰔⰕⰉ Ⰹ ⰀⰓⰘⰅⰑⰎⰑⰃⰉⰤ. ⰔⰒⰁ., 1865. Ⱅ. 2, ⰍⰐⰉⰃⰀ 9. Ⱄ. 127.

[4] ⰒⰓⰑⰔⰕⰓⰀⰐⰠⰐⰑ ⰆⰉⰕⰉⰥ ⰔⰂⰤⰕⰀⰥⰃⰑ ⰏⰅⰪⰑⰄⰋⰭ · ⰒⰑⰧⰕⰑ 1843 ⰎⰡⰕⰀ ⰥⰔⰕⰟ

[5] ⰖⰐⰄⰑⰎⰠⰔⰍⰉⰊ Ⰲ. Ⰿ., ⰍⰎⰉⰏⰅⰐⰕ, ⰅⰒⰉⰔⰍⰑⰒ ⰔⰎⰑⰂⰅⰐⰔⰍⰉⰊ, «ⰝⰕⰅⰐⰉⰤ Ⰲ ⰑⰁⰛⰅⰔⰕⰂⰅ ⰉⰔⰕⰑⰓⰉⰉ Ⰹ ⰄⰓⰅⰂⰐⰑⰔⰕⰅⰊ ⰓⰑⰔⰔⰉⰊⰔⰍⰉⰘ ⰒⰓⰉ ⰏⰑⰔⰍⰑⰂⰔⰍⰑⰏ ⰖⰐⰉⰂⰅⰓⰔⰉⰕⰅⰕⰅ», 1895, Ⱅ. 172, ⰍⰐ. 1

[6] ⰕⰖⰐⰉⰜⰍⰉⰊ Ⱀ. Ⰾ., ⰔⰂ. ⰍⰎⰉⰏⰅⰐⰕ, ⰅⰒⰉⰔⰍⰑⰒ ⰔⰎⰑⰂⰅⰐⰔⰍⰉⰊ, ⰔⰅⰓⰃⰉⰅⰂ ⰒⰑⰔⰀⰄ, 1913

[PrZhit-7] 7,0 ^7,1 ^7,2 ⰒⰓⰑⰔⰕⰓⰀⰐⰠⰐⰑ ⰆⰉⰕⰉⰥ ⰔⰂⰤⰕⰀⰥⰃⰑ ⰍⰎⰉⰏⰅⰐⰕⰀ ⰑⰘⰓⰋⰄⰠⰔⰍⰀⰥⰃⰑ · ⰉⰆⰅ ⰀⰓⰘⰋⰅⰒⰋⰔⰍⰑⰒⰟ ⰪⰅⰑⰗⰋⰎⰀⰍⰕⰟ ⰑⰘⰓⰋⰄⰠⰔⰍⰟⰊⰉ ⰐⰀⰒⰠⰔⰀ

[GrKn-8] 8,0 ^8,1 ^8,2 «ⰃⰓⰅⰝⰅⰔⰍⰉⰅ ⰆⰉⰕⰉⰤ ⰍⰎⰉⰏⰅⰐⰕⰀ ⰑⰘⰓⰉⰄⰔⰍⰑⰃⰑ» ⰉⰈⰄ. ⰁⰀⰐ (ⰁⰑⰎⰃⰀⰓⰔⰍⰀⰤ ⰀⰍⰀⰄⰅⰏⰉⰤ ⰐⰀⰖⰍ) — ⰔⰑⰗⰉⰤ, 1966

[9] ⰆⰉⰕⰉⰥ ⰔⰂⰤⰕⰀⰥⰃⰑ ⰐⰀⰖⰏⰀ Ⱚ҃ ⰂⰡⰍⰀ

[1]

[2]

[3]

[4]

[5]

[6]

[7]

[8]

[9]