Ѳєрапѡнтъ Бѣлоѥꙁєрьскꙑи
Ѳєрапѡ́нтъ Бѣлоѥꙁєрьскꙑи инако Можаискꙑи и роусьскꙑ Ферапонт Белозерский/Можайский · ижє въ мироу Ѳєодѡръ Поскочинъ бѣ · рождєнъ ѥстъ 1331 и оумрє 1426 лѣта · роусьскꙑѩ православьнꙑѩ црькъвє свѧтꙑи чоудотворьць ѥстъ · ижє Ѳєрапѡнтова Бѣлоѥꙁєрьскоу и Лѫжьчьскоу обитѣли почѧ ⁙ Памѧти сътворѥниѥ 27 дьнꙗ маїꙗ и 27 дьнꙗ дєкємврїꙗ Юлїꙗньскꙑимь лѣтоищислѥниѥмь ѥстъ
Монахъ сталъ бѣ москъвьсцѣ Сѷмѡновѣ обитѣли и тамъ жє объщєниѥ съ Кѷрїлломь Бѣлоѥꙁєрьскꙑимь и Сєргїѥмь Радонєжьскꙑимь имѣлъ ⁙ Послѣди жє Ѳєрапѡнтъ и Кѷрїллъ поѩашєтє отъкровєниѥ бо обитѣль Бѣлоѥꙁєрии и поидошєтє въ вологъдьскоу ꙁємлѭ того дѣл҄ьма ⁙ Напрьва Ѳєрапѡнтъ и Кѷрїллъ брѣꙃѣ Сивєрьска ѥꙁѣра кєлїѭ сътворила · нъ лѣто послѣди Ѳєрапѡнтъ къ Брадаѥвьскоу ѥꙁєроу прѣидѣ и тамъ жє новоу кєлїѭ сътвори ⁙ Окрѫгъ ѥѩжє дроуꙃи иноци сєлити сѧ почѧли бѣ и того дѣл҄ьма Ѳєрапѡнтова Бѣлоѥꙁєрьска обитѣль сѧ авила и послѣди жє сєло Ѳєрапѡнтово окрѫгъ ѥѩжє ꙁьдано бѣ
1408 лѣта Ѳєрапѡнтъ въ Можаискъ прѣидє · идєжє Лѫжьчьскоу обитѣль почѧ ⁙ Тъ слѣдьствиѥмь прошєниꙗ можаиска кънѧꙃꙗ Андрєꙗ бѣ · ижє Бѣлоѥꙁєрьскꙑѩ ꙁємли владѣтєл҄ь бѣ ⁙ 1426 лѣта Ѳєрапѡнтъ по 96 лѣтъ жиꙁни оумьрє Лѫжьчьсцѣ обитѣли
Отъ 1547 лѣта роусьскомь православии свѧтꙑи ликъ приѩлъ ⁙ Ѥгожє мощи црькъви Рождьства Богородици Лѫжьчьскꙑ обитѣли положєнꙑ сѫтъ ⁙ Блиꙁъ обитѣли въ вьси Исавицѣхъ кладѧꙃь ꙁъванꙑи имєньмъ свѧтаѥго Ѳєрапѡнта ѥстъ · бо по прѣданиѭ тъи кладѧꙃь имъжє отврьстъ бѣ
кънигꙑ
исправлѥниѥ- Семенищева Е.В. Можайский Лужецкий Рождества пресвятой Богородицы Ферапонтов монастырь. – М: Историко-просветительское общество памяти преподобного Ферапонта, 2008. -64 с. –ISBN 978-5-903848-01-0